महोत्तरीमा सशस्त्र प्रहरीले १ क्विन्टल ६० किलो गाँजा बरामद गरेको छ ।
जिल्लाको महोत्तरी गाउँपालिका–४ रानीवडास्थित गणेश चौधरीको कुखुरा फार्मनजिक परालको थुप्रोमा लुकाइराखेको १६ पोका गाँजा सशस्त्र प्रहरीले बरामद गरेको हो ।
१० किलोका दरले प्लास्टिकमा प्याक गरेर राखिएको अवस्थामा १ क्विन्टल ६० किलो गाँजा बरामद गरिएको सशस्त्र प्रहरी मधेस प्रदेशका प्रमुख डिआइजी गणेश ठाडा मगरले जानकारी दिए ।
विशेष सूचनाका आधारमा छिन्नमस्ता बाहिनी र जलेश्वर बेस क्याम्पबाट खटेको संयुक्त टोलीले बिहीबार राति गाँजा बरामद गरेको सशस्त्र प्रहरीले जनाएको छ ।
