काठमाडौं महानगरपालिकाले ज्येष्ठ नागरिकलाई दुई दिन बुस्टर डोज खोप लगाउने भएको छ ।
महानगरले शुक्रबार एक विज्ञप्ति जारी गर्दै माघ १७ र १८ गते ६० वर्षमाथिकालाई कोभिशिल्ड बुस्टर डोज खोप दिने निर्णय भएको जनाएको हो ।
सबै वडा र काठमाडौं स्वास्थ्य कार्यालयले तोकेबमोजिम खोप केन्द्र सञ्चानल हुने महानगरले जनाएको छ ।
बिहान १० बजेदेखि अपराह्न ४ बजेसम्म खोप कार्यक्रम सञ्चालन हुने छ । यसअघि खोप लगाएको कार्ड, उमेर खुल्ने परिचयपत्र र अग्रपंक्तिमा काम गर्नेहरूको हकमा परिचयपत्र तथा खोप कार्ड अवश्यक पर्ने महानगरले जनाएको छ ।
