नेपालमा अपराधको अवस्था दिनप्रतिदिन बढ्दै गएको छ । अपराधका कारण र प्रकार समेत भिन्न–भिन्न हुदैं गएपछी त्यसको छानबिन गर्न प्रहरीलाई समेत हम्मे–हम्मे पर्ने गरेको छ ।
आईतवार पश्चिम नेपालको कञ्चनपुर जिल्लामा भएको त्यस्तै एक घटनाले प्रहरीलाई नै अचम्मित पारेको छ ।
कञ्चनपुरको लालझाडी गाउँपालिकावडा नं. २ कञ्ज भन्ने स्थानमा बस्ने एक युवकले आफ्नै बुवाको हत्या गरेरपछी पक्राउ परेका छन् ।
४२ वर्षीय कोठग्गु रानाको हत्या अभियोगमा २६ वर्षीय रामविलास रानालाई आइतबार राति प्रहरीले पक्राउ गरेको हो ।
गाउँमा हत्या भएको जानकारी प्राप्त भएपछी ईलाका प्रहरी कार्यालय शंकरपुर र बेलौरीबाट खटिएको प्रहरी हत्याको कारण जानेपछी अचम्मित भएको हो ।
अभियुक्त रानाले घरायसी झगडाका कारण आफ्नै बुवा कोठग्गु रानाको बन्चरो प्रहार गरी हत्या गरेको बयान दिएका छन् ।
घरायसि झगडाकै कारण हत्या गर्नेसम्मको अवस्था कसरी सिर्जना भयो भन्ने अनुसन्धान कञ्चनपुर प्रहरीले गरिरहेको छ ।
