मधेश प्रदेशकै ख्यातिप्राप्त विरगञ्जमा रहेको हरि खेतान बहुमुखी क्याम्पस बिगत ३५ वर्षदेखी एकै व्यक्तिको चंगुलमा परेको छ ।
सामुदायिक स्तरमा दाताले निर्माण गरेको क्याम्पसलाई त्यहाँका प्रमुख डा.भगवान प्रसाद यादवले निजि क्याम्पसको रुपमा सञ्चालन गरिरहँदा अहिले त्यसको बिरोध हुन थालेको छ ।
राजनितिक आवरणमा डा.यादवले समुदायको स्वामित्वमा रहेको क्याम्पसलाई आफ्नो निजि सम्पती ठानेपछी विरोध शुरु भएको हो ।
बिगत साढे ३ दशक देखी आफै सर्वेसर्वा भई क्याम्पसको आर्थिक, प्रशासनिक शाखाहरु समेत ‘कंट्रोल’मा राखेर व्यापक भ्रष्टाचार गरेपछी उनको बिरोध भएको हो ।
नेपाली काँग्रेसका नेता रहेका समेत डा.यादवले क्याम्पसलाई एकलौटी ढङ्गले चलाएर र आर्थिक पारदर्शिता नराखी करोडौंको भ्रष्टाचार गरेको भन्दै काँग्रेसकै बिधार्थी संगठन, नेबिसंघ उनिबिरुद्ध उत्रिएको हो ।
क्याम्पसको नेतृत्व परिवर्तन र अनियमितताको छानबिनको माग गर्दै बिरोधमा उत्रेको नेबिसंघलाई समेत क्याम्पस प्रमुख डा.यादवले धपाएका छन् ।
बि.स.२०३८ सालमा विरगञ्जका उद्योगपति तथा समाजसेवी बिहारीलाल खेतानले आफ्ना छोरा हरि खेतानको स्मृतिमा त्रिवि विश्वविद्यालयबाट सम्बन्धन लिएर सामुदायिक क्याम्पसका रुपमा हरि खेतान क्याम्पस स्थापना गरेका थिए ।
गुणस्तरिय शिक्षा दिने उद्देश्यले तत्कालिन अर्थमन्त्री यादव प्रसाद पन्त, क्षेत्रिय प्रशासक लक्षबहादुर गुरुङ र पर्साका सिडियो गोपालमान श्रेष्ठको समन्वयमा खेतानले स्थापना गरेको उक्त क्याम्पस समुदायले नै सञ्चालन गर्ने गरि हस्तान्तरण गरेपछि झण्डै साढे ३ दशकदेखि डा. यादवले त्यसलाई नीजी क्याम्पसका रुपमा एकलौटी ढङगले सञ्चालन गर्दै आएका छन् ।
सरकारको अनुदान र विभिन्न दाताहरुको आर्थिक सहयोग पाईरहने हरिखेतान मधेश प्रदेशमै ख्यातिप्राप्त क्याम्पस हो ।
व्यवस्थापन, शिक्षा, बिज्ञान तथा मानविकि लगायतको स्नातक तथा स्नातकोत्तरसम्मको पढाई हुने उक्त क्याम्पसमा हजारौंको संख्यामा बिधार्थीहरु पढ्ने गरेका छन् ।
सामुदायिक स्तरको क्याम्पस भएपनी निजि क्याम्पसहरुकै हाराहारिमा शुल्क लिईने गरिएको बिधार्थी तथा अभिभावकहरुको आरोप छ ।
निक्कै हट्टि स्वभावका रहेका प्रमुख डा.यादवको एकलौटी तानाशाही रवैयाका कारण कसैले आवाज समेत उठाउन सकेका थिएनन्, तर नेबिसंघले उनलाई क्याम्पस प्रमुखबाट नहटाएसम्म आन्दोलन नरोक्ने भनेपछी उनि समस्यामा परेका छन् ।
श्रोतका अनुसार आफ्नै पार्टीका बिधार्थीहरुले बिरोध गरेपछी उनि पर्सा काँग्रेसका ठुला नेताहरुलाई गुहार्न थालेका छन् ।
