विश्वभर थप २८ लाखमा कोरोना भाइरसको नयाँ सङ्क्रमण पुष्टि भएको छ। गत २४ घण्टामा यो खबर तयार पार्दासम्म २८ लाख ६० हजारभन्दा धेरै नयाँ सङ्क्रमित थपिएका हुन्।
कोरोनाको तथ्याङ्क अद्यावधिक गरिरहेको वल्डोमिटरले जनाए अनुसार योसँगै विश्वभर कोरोना सङ्क्रमण पुष्टि हुनेको सङ्ख्या ३८ करोड ४९ लाख नाघेको छ।
जसमध्ये ३० करोड ४८ लाख कोरोना मुक्त भएका छन्। गत २४ घण्टामा मात्रै १९ लाख ९५ हजार निको भएका छन्।
यस्तै २४ घण्टामा १० हजार बढीको मृत्यु भएसँगै कोरोनाले ज्यान गुमाउनेको सङ्ख्या ५७ लाख १६ हजारभन्दा धेरै छ।
विश्वभर अझै पनि ७ कारोड ४३ लाख सक्रिय सङ्क्रमित रहेकामा ९१ हजारको अवस्था जटिल रहेको र बाँकीको सामान्य रहेको वल्डोमिटरले उल्लेख गरेको छ।
