नेपाली कांग्रेस प्रवक्तामा नेता डा. प्रकाशशरण महत नियुक्त भएका छन् ।
कांग्रेसका सभापति एवं प्रधानमन्त्री शेरबहादुर देउवाले सोमबार महतलाई पार्टी प्रवक्तामा नियुक्त गरेका हुन् ।
पूर्वसहमहामन्त्री महत यसअघि मंसिरमा भएको १४ औं महाधिवेशनमा पार्टीको महामन्त्रीका प्रतिस्पर्धी थिए । उनलाई सभापति देउवाले केन्द्रीय सदस्य मनोनित गरेका थिए ।
देउवाका परराष्ट्र र आन्तरिक राजनीतिका रणनीतिक सहयोगीसमेत रहेका महत पूर्वपरराष्ट्रमन्त्री समेत हुन् ।
यसअघि पार्टी प्रवक्ता रहेका विश्वप्रकाश शर्मा कांग्रेसको हालै सम्पन्न १४औं महाधिवेशनबाट महामन्त्री बनेका छन् ।
