राष्ट्रिय प्रजातन्त्र पार्टी (राप्रपा) का नेता तथा पुर्व अध्यक्ष कमल थापाले आज एकाएक पार्टीबाट अलग हुने घोषणा गरेका छन् ।
राप्रपाको एकता महाधिवेशनमा राजेन्द्र लिंगदेनबाट अध्यक्ष पदमा पराजित भएपछी विभिन्न आरोप तथा असंतुष्टि जाहेर गरिआएका थापाले आज अचानक पार्टीबाट राजिनामा दिएको बताएका हुन् ।
यसैबिच एकता महाधिवेशनमा लिंगदेनको समुहबाट महामन्त्री पदमा लडेकी नायिका तथा राप्रपा नेतृ रेखा थापाले कमल थापाको राजिनामाप्रति कटाक्ष गरेकी छिन् ।
महाधिवेशनताका दुबै नेता–नेतृबिच भएको तिखो वाद–प्रतिवाद अझै नसेलाएको प्रतिविम्ब हुने उनको कटाक्ष कमल थापा केन्द्रित नै रहेको प्रष्ट बुझिन्छ ।
रेखाले सामाजिक सञ्जालमा ४ लाईनको कविता लेख्दै भनेकि छिन्–
जिवित छौ र पो सपना देख्छौ
खेल बाँकी छ र पो जित्ने हौसला राख्छौ
हर कसैका आउने दिन झन राम्रा हुनेछन
सिर्फ मन थाक्नु भएन ।
स्मरण रहोस राप्रपाको महाधिवेशनमा लिंगदेन समुहबाट महामन्त्री लडेकी रेखालाई हराउन कमल थापाले पुरै शक्ति परिचालित गरेका थिए । दुबै नेताबिच भिडियो वार देखि विभिन्न प्रतिक्रियाहरु भएका थिए । यथापी दुबैजना पराजित भएका थिए ।
