बुधबारका लागि बोलाइएको सङ्घीय संसद् प्रतिनिधिसभा बैठकको सम्भावित कार्यसूची सार्वजनिक भएको छ ।
संसद् सचिवालयका महासचिव डा. भरतराज गौतमले बुधबारको सम्भावित कार्यसूची सार्वजनिक गरेका छन् ।
बुधबार दिउँसो १ बजेका लागि बोलाइएको बैठकमा प्रधानमन्त्री शेरबहादुर देउवाले ‘थारु आयोगको तेस्रो वार्षिक प्रतिवेदन’ पेश गर्ने कार्यसूची छ ।
सम्भावित कार्यसूचीमा शोक प्रस्ताव पारित हुनेछ । २०६४ को संविधानसभामा समानुपातिलक सांसद बन्नुभएका जगतबहादुर ताजपुरियाको २०७८ साल पुस १७ गते शनिबार निधन भएको थियो ।
बैठकको सम्भावित कार्यसूचीमा एमसीसी भने परेको छैन । सत्तारुढ दलहरुबीच एमसीसी संसदमा कहिले पेश गर्ने भन्ने विवाद छ ।
यसअघि बोलाइएको बैठक एमसीसी पेश गर्नका लागि बुधबारका लागि सारिएको बताइएको थियो ।
