नेकपा एमाले अध्यक्ष केपी शर्मा ओलीले तीनै तहका चुनावमा बहुमत ल्याउने दाबी गरेका छन् ।
स्थानीय तहको चुनावको सन्दर्भमा एमालेले आयोजना गरेको प्रशिक्षण र अभिमुखीकरण कार्यक्रमलाई शुक्रबार सम्बोधन गर्दै ओलीले स्थानीय, प्रदेश र संघका तीनवटै चुनावमा आफ्नो पार्टीले बहुमत ल्याउने दाबी गरे । उनले सत्ता गठबन्धनसँग एमाले एक्लै लडेर बहुमत ल्याउने पनि ठोकुवा गरे ।
उनले माओवादी केन्द्रका अध्यक्ष प्रचण्डतर्फ संकेत गर्दै बत्ती निभाएर र मतपत्र च्यातेर चुनाव जित्ने सपना नदेख्न आग्रह गरे ।
सरकारले निर्णय गरेर संसदमा पेस गर्न लागेको अमेरिकी सहयोग परियोजना मिलेनियम च्यालेन्ज कर्पाेरेशन (एमसीसी) लाई सभामुखले रोक्न नपाउने ओलीले बताए ।
सरकारले राष्ट्रिय हितमा काम गर्न नसकेको आरोप लगाएका ओलीले सरकारले अन्तर्राष्ट्रिय सम्बन्ध बिगारेकोसमेत बताए ।
ओलीले सत्तारुढ गठबन्धनका नेताहरुले एमसीसीका बारेमा दिएको विरोधाभाषपूर्ण अभिव्यक्तिले विकास परियोजनलाई भू–राजनीतिक द्वन्द्वकारुपमा अघि बढाउन भूमिका खेलेको आरोप लगाए ।
