नेपालमा थप ५७० जनामा कोरोना भाइरस संक्रमण पुष्टि भएको छ ।
९ हजार ७८९ नमुना परीक्षण गर्दा ५७० जनामा कोरोना भाइरस संक्रमण पुष्टि भएको स्वास्थ्य मन्त्रालयले जनाएको छ ।
पछिल्लो २४ घण्टामा १ हजार ९९३ संक्रमित निको भएका छन् । हालसम्म ९६.९ प्रतिशत संक्रमित निको भइसकेका छन् ।
त्यस्तै, बिहीबार ६ जना संक्रमितको मृत्यु भएको छ । नेपालमा हालसम्म ११ हजार ९११ जनाको संक्रमणबाट मृत्यु भएको मन्त्रालयले जनाएको छ ।
हाल देशभर १६ हजार ६१६ सक्रिय संक्रमित रहेका छन् ।
