आईसिसी टी–२० विश्वकपअन्तर्गत छनोट खेलका लागि आज नेपालले ओमानसँग खेल्दैछ ।
नेपाल र ओमानबीचको खेल पौने १२ बजे ओमान एकेडेमीमा सुरु हुने छ। छनोट प्रतियोगिताका लागि नेपालले ओमानमै चारदेशीय सिरिज खेलेको थियो।
उक्त सिरिजमा नेपालले ओमानलाई पराजित गरेको थियो भने अन्य दुई खेलमा हार व्यहोरेको थियो।
नेपालले दोस्रो खेल फिलिपिन्सविरुद्ध अल अमरेत क्रिकेट मैदानमा १९ फेब्रुअरी र समूह चरणको तेस्रो तथा अन्तिम खेल २१ फेब्रुअरीमा क्यानडाविरुद्ध ओमान क्रिकेट एकेडेमी ग्राउन्डमा खेल्नेछ।
समूह चरणपछि दुवै समूहबाट शीर्ष दुई टोली सेमिफाइनल प्रवेश गर्नेछन् । सेमिफाइनल खेल २२ फेब्रुअरीमा हुनेछन् । फाइनल २४ फेब्रुअरीमा ओमान क्रिकेट एकेडेमी मैदानमा हुनेछ ।
फाइनल प्रवेश गर्ने दुई टोलीले अस्ट्रेलियामा अक्टोबर १६ देखि नोभेम्बर १३ सम्म हुने टी-२० विश्वकप खेल्ने छन् ।आजदेखि ओमानमा सुरु हुने प्रतियोगितामा नेपालसहित ८ टोली सहभागी छन्।
यी हुन् छ विश्वकप छनोटमा खेल्ने अन्तिम १४ खेलाडी
सन्दीप लामिछाने (कप्तान)
शरद भेषवाकर
ज्ञानेन्द्र मल्ल
दीपेन्द्रसिंह ऐरी
कुशल भुर्तेल
मोहम्मद आरिफ शेख
मोहम्मद आशिफ शेख
अभिनास बोहोरा
जितेन्द्र कुमार मुखिया
कमलसिंह ऐरी
विवेक कुमार यादव
लोकेश बहादुर बम
सागर ढकाल
गुल्सन कुमार झा
रिजर्भ
कुशल मल्ल
शाहब आलम
प्रदीप ऐरी
