गयराती छुट्टाछुट्टै मोटरसाइकल दुर्घटनामा परि तीन जनाको मृत्यु भएको छ ।
सुर्खेत दुई र कैलालीका एक गरी तीन जनाको मृत्यु भएको छ । सुर्खेतको भेरीगंगा नगरपालिका वडा नं १० का २० वर्षीय रवीन सिञ्जाली र सोही ठाउँका १७ वर्षीय योगेश बुढा रहेको प्रहरीले जनाएको छ । छिन्चुबाट कोहलपुरतर्फ जाँदै गरेको लु ८० प ८४९३ नं को मोटरसाइकल अनियन्त्रित भई दुर्घटना भएको हो ।
जिल्ला प्रहरी कार्यालय सुर्खेतका अनुसार गएराती करिब साढे दश बजे तिर भेरीगंगा नगरपालिका वडा नं ४ हर्रे नजिक सडकबाट मोटरसाईकल करिब दुई सय मिटर तल खसी मोटरसाइकलमा सवारहरुको घटनास्थलमै मृत्यु भएको हो ।
दुर्घटना शुक्रबार राती भएपनि उनीहरुको शव शनिबार मात्रै पोष्टमार्टमका लागि मेहेलकुना अस्पताल राखिएको जिल्ला प्रहरी कार्यालय सुर्खेतका प्रवक्ता एंव डिएसपी रामप्रसाद घर्तीले बताए ।
यस्तै कैलालीको भजनी नगरपालिका-३ हुलाकी राजमार्गअन्तर्गत बेलाबोजी भन्ने ठाउँमा सुपप्र ०१००८ प ४७२३ नम्बरको मोटरसाइकल दुर्घटना भएको हो।
दुर्घटनामा घाइते भएका चालक टीकापुर नगरपालिका-६ का अन्दाजी ३६ वर्षीय चन्द्रबहादुर चौधरीको शनिबार राति ज्यान गएको प्रहरीले जनाएको छ।प्राथमिक स्वास्थ्य केन्द्र भजनीमा उनको उपचारको क्रममा ज्यान गएको प्रदेश ट्राफिक प्रहरी कार्यालय अत्तरियाले जनाएको छ। मोटरसाइकल अनियन्त्रित भई दुर्घटना भएको प्रहरीले जनाएको छ।
