पछिल्लो २४ घण्टामा थप २६२ जनामा कोरोना भाइरस संक्रमण पुष्टि भएको छ ।
९ हजार ८१५ नमुना परीक्षण गर्दा २६२ जनामा कोरोना भाइरस संक्रमण पुष्टि भएको स्वास्थ्य मन्त्रालयले जनाएको छ ।
त्यसैगरी पछिल्लो २४ घण्टामा थप चार जनाको कोरोनाले मृत्यु भएको छ । योसँगै नेपालमा कोरोनाबाट मृत्यु हुनेको संख्या ११ हजार ९२१ पुगेको छ ।
त्यस्तै, आइतबार १ हजार ३३८ जना निको भएका छन् । हालसम्म ९७.५ प्रतिशत संक्रमित निको भइसकेका छन् ।
हाल देशभर १२ हजार २४४ जना सक्रिय संक्रमित रहेका छन् ।
२४ घण्टामा ३३ हजार २५४ जनाले खोप लगाएका छन् ।
