निर्माण व्यवसायीको टिप्परमा चढेर घर फर्किँदै गर्दा बैतडीको पाटनमा टिप्पर दुर्घटना हुँदा तीन जना विद्यार्थीको मृत्यु भएको छ ।
मृत्यु हुनेमा पाटन नगरपालिका–३, जडाकोटका १२ वर्षीया ज्ञानु बिष्ट, सोही ठाउँका १७ वर्षीय अलीत अवस्थी र जनकराज पन्त रहेका छन् । बैतडीको पाटन नगरपालिका –३, गुरुडास्थित सिगास माबिका विद्यार्थी टिप्पर चढेर घर फर्किँदै गर्दा दुर्घटना भएको हो ।
पाटन नगरपालिका –३, डबरा भन्ने स्थानमा दुर्घटना हुँदा घटनास्थलमै तीन जना विद्यार्थीको मृत्यु भएको इलाका प्रहरी कार्यालय पाटनका प्रहरी निरीक्षक राजेश शाहीले जानकारी दिए ।
६ जना गम्भीर घाइतेको उद्धार गरेर अस्पताल पठाइएको प्रहरीले जनाएको छ ।
टिप्पर चालक फरार छन् ।
