नेपालमा पछिल्लो २४ घण्टाको अवधिमा ४७६ जनामा कोरोनाभाइरसको संक्रमण देखिएको छ ।
स्वास्थ्य तथा जनसंख्या मन्त्रालयका अनुसार ९ हजार ४२४ नमुनाको पिसिआर तथा एन्टिजेन विधिबाट परीक्षण गर्दा सो संख्यामा कोरोना संक्रमित थपिएका हुन् ।
यही अवधिमा ८३१ जना निको भएका छन् । योसँगै संक्रमणमुक्त हुनेको संख्या ९ लाख ५३ हजार ४३० पुगेको छ ।कोरोनाका कारण आज ३ जनाको मृत्यु भएको छ । योसँगै कोरोना संक्रमणबाट अहिलेसम्म ११ हजार ९२८ पुगेको छ ।
आज देशभर १० हजार ७४७ जना सक्रिय संक्रमित रहेको मन्त्रालयले जनाएको छ ।
