विरगञ्ज क्षेत्रका प्रभावशाली नेताहरुलाई पार्टीमा भित्राउन नेकपा एमालेका अध्यक्ष केपि शर्मा ओली फागुन १४ गते विरगञ्ज जाने भएका छन् ।
अध्यक्ष ओली आउने भएपछी एमाले पर्साले कार्यक्रमको तयारीमा तिब्रता दिएको छ ।
लोकतान्त्रिक समाजवादी पार्टी (लोसपा) का प्रभावशाली एवम विरगञ्ज क्षेत्रका ख्यातिप्राप्त नेता राजेशमान सिँह लगायतका नेताहरुलाई एमालेमा भित्राउन ओली विरगञ्ज जानलागेको एमाले श्रोतले जनाएको छ ।
अध्यक्ष ओलीसंग काठमाडौंमा भेट गरेर लोसपा परित्याग गरिसकेका नेता सिंह, प्रेमबाबु पटेल लगायत उनका हजारौको समर्थकहरुलाई ओलीले पार्टी प्रवेश गराउने कार्यक्रम तय भएको हो ।
मधेश आन्दोलन ताका ओली र एमालेलाई मधेश बिरोधी भनिएपनी हालका दिनहरुमा एमाले प्रवेश गर्नेहरुको लहर नै चलेको छ ।
ओलिले समेत मधेशमा आफ्नो पकड जमाउन अन्य पार्टीका नेता कार्यकर्ता भित्राउन सक्रिय छन् ।
