चलचित्र निर्देशक सुदर्शन थापा पक्राउ परेका छन् ।
उनलाई प्राइमटाइम टेलिभिजनमा धमलाको हमला कार्यक्रममा अन्तर्वार्ता दिएर फर्किँदै गर्दा टेलिभिजन परिसरबाटै प्रहरीले पक्राउ गरेको हो ।
पक्राउ परेका थापा चलचित्र म यस्तो गीत गाउँछु २ का निर्देशक तथा निर्माता हुन् । उक्त चलचित्रका अभिनेता पल शाहको बारेमा सोधपुछ गर्न थापालाई प्रक्राउ गरिएको प्रहरीले जनाएको छ ।
हाल हलमा प्रदर्शन भइरहेको चलचित्र म यस्तो गीत गाउँछु २ मा मुख्य भूमिका शाहको छ । बलात्कारको आरोप लगाउँदै उजुरी दर्ता भएपछि शाह हाल फरार छन् ।
