पार्टी महाधिवेशनमा पराजित भएपछी अर्को पार्टी व्युँत्याएका राष्ट्रिय प्रजातन्त्र पार्टी नेपालका अध्यक्ष कमल थापाले आज ६ जना पदाधिकारी मनोनित गरेका छन् ।
अध्यक्ष थापाले दिएको जानकारी अनुसार राप्रपा नेपालको आज बसेको बैठकले ति पदाधिकारीहरु मनोनित गरिएको हो ।
मनोनित भएका पदाधिकारीहरुमा कोषाध्यक्षमा काठमाडौंका चन्द्रबहादुर गुरूङ, प्रवक्तामा संखुवासभाका बसन्तमान सिंह अधिकारी र ललितपुरका सुरेश आचार्य रहेका छन् ।
त्यस्तै सहमहामन्त्रीमा बाँकेका हिक्मत ढकाल, पाँचथरका तेज कुरूवाङ र मकवानपुरका आइतराम तामाङ मनोनीत गरिएका छन् ।
