बलात्कारको आरोप लागेका रुपन्देहिको सम्मरीमाई गाउँपालिका अध्यक्ष जितेन्द्र नाथ शुक्ला (बब्लु) ले जिल्ला अदालतबाट सफाई पाएका छन् ।
गत साउन २४ गते सहयोग माग्न गाउँपालिका अध्यक्ष शुक्ला समक्ष पुगेकी सोही पालिकाकी एक महिलाले आफुलाई बलात्कार गरेको भनी प्रहरीमा उजुरी दिएकी थिईन् ।
श्रीमान चोरी आरोपमा ईलाका प्रहरी कार्यालय मर्चवारको हिरासतमा रहेको र उनलाई छुटाउने अनुरोध सहित शुक्लको घर पुग्दा आफुमाथी जबरजस्ती करणी भएको ति महिलाको आरोप थियो ।
रुपन्देही जिल्ला अदालतले अध्यक्ष शुक्ला सहित सम्मरीमाई गाउँपालिका वडा नम्बर ६ का असलम खानलाई समेत सफाई दिएको हो । महिलाले दुबैमाथी जबर्जस्ती करणी उद्योगको मुद्दा दायर गरेकी थिईन् ।
जिल्ला अदालतका न्यायधिश मात्रिका प्रसाद मरासिनिको एकल ईजलाशले शुक्ला र खानलाई सफाई दिएको शुक्लाको अधिवक्ता साबिर खाँनले जनाए ।
अदालतका श्रेस्तेदार शोभाकर खरेलका अनुसार वादीको दावी नपुग्ने भएकोले दुबैले सफाई पाएको बताए ।
सफाई पाएपछी शुक्लाले आफुले न्याय पाएको बताएका छन् । उनले जालसाजी र फटही गर्नेलाई अदालतले राम्रो जजाफ दिएको तथा सत्यको जित भएको बताए ।
उनले अदालतको निर्णयले जनताको जित भएको भन्दै आफुलाई थप शसक्त भएर जनताको सेवा गर्ने उत्प्रेरणा तथा उर्जा प्राप्त भएको बताए ।
