नेकपा एमालेका अध्यक्ष केपी शर्मा ओलीले सभामुख अग्निप्रसाद सापकोटालाई ससम्मान राजीनामा दिन आग्रह गरेका छन् ।
मंगलबार आयोजित पत्रकार सम्मेलनमा ओलीले सभामुख सापकोटाले राजीनामा नदिए महाअभियोग प्रस्ताव ल्याउने बताए । उनले भने, ‘सभामुखले राजीनामा गरेमा एमालेले महाअभियोग ल्याउँदैन । राजीनामा पर्खेका छौं । ससम्मान हट्नुुुस् । संसद्ले निष्कासन गर्यो भन्ने नहोस् ।’
ओलीले अमेरिकी सहयोग परियोजना एमसीसी अनुमोदन गर्दा सभामुखले बलमिच्याईं गरेको आरोप लगाए । संसदको एउटा अधिवेशनमा पेश भएको प्रस्ताव त्यो अधिवेशनमा अघि बढेन भने अर्को अधिवेशनमा फेरि ल्याउनुपर्ने भएपनि एमसीसीमा त्यसो नगरिएको उनले बताए ।
उनले अघि भने, ‘मृत प्रस्तावलाई तथाकथित रुपमा ब्यूँताएर सभामुखले असंवैधानिक र गैर कानुनी काम गराउनुभयो ।’
