सत्ता साझेदार दल नेकपा (माओवादी केन्द्र) को केन्द्रीय कार्यसमितिको बैठक सुरु भएको छ ।
शुक्रबार बिहान ११ बजे तय भएको बैठक दिउँसो १ बजेपछि राष्ट्रिय सभागृहमा सुरु भएको हो ।
बैठकमा माओवादीको पदाधिकारी एवम् कार्यसमितिलाई पूर्णता दिइने, कार्यविभाजन, भावी कार्ययोजनालगायत संसदबाट अनुमोदन भइसकेको अमेरिकी आर्थिक सहायता मिलिनियम च्यालेन्ज कर्पोरेसन (एमसीसी) बारे पनि थप छलफल हुनेछ ।
यसलगायत आगामी स्थानीय तहको चुनाव र आगामी दिनमा पार्टी कस्तो भूमिकामा प्रस्तुत हुने विषयमा बैठकमा छलफल हुनेछ ।
बैठक काठमाडौंस्थित राष्ट्रिय सभागृहमा बस्ने जनाइएको छ ।
