नेकपा माओवादी केन्द्रका अध्यक्ष प्रचण्डले एमालेको दाउँलाई पराजित गरेर फेरि भित्तामा पुर्याइदिएको बताएका छन् ।
आजबाट सुरु भएको केन्द्रीय समिति बैठकलाई सम्बोधन गर्दै प्र्रचण्डले सो कुरा बताएका हुन् ।
उनले भने, ‘एमसीसी अनुमोदन गर्ने सहमति नभएको भए गठबन्धन टुट्थ्यो । सभामुख अग्निप्रसाद सापकोटाको पदसमेत धरापमा पथ्र्यो । तर एमालेको प्रयास विफल पारेर फेरि कर्नरमा पुर्याइदियौं ।’
उनले अमेरिका व्याख्यात्मक टिप्पणीसहित एमसीसी अनुमोदन गर्न राजी भएको खुलासा गरे ।
अध्यक्ष प्रचण्डले अब हुने चुनावमा माओवादी दोस्रो दलमा हुने सूचना आफूले पाएको तर, थोरै मेहेनत गरेमा पहिलो दल नै बन्न सकिने दाबी गरे ।
नेकपा माओवादी केन्द्रका अध्यक्ष प्रचण्डले गठबन्धनमा नयाँ निर्वाचनमा जाने प्रस्ताव पेश भएको बताएका छन्।
प्रचण्डले एमालेको निरन्तर संसद अबरोध खुलाउन पहल गर्ने यदि त्यो नभए पेलेर बिधेयक पेश गर्ने वा नयाँ निर्वाचनमा जानुपर्ने प्रस्ताव गठबन्धनमा प्रवेश गरेको बताए । उनले स्थानीय र प्रदेश तथा संघीय निर्वाचनमा चुनावी गठबन्धन बन्ने बताए ।
