केन्द्रीय कार्यालय काठमाडौँ रहेको विगएजुकेशन फाउण्डेशनको शाखा कञ्चनपुरको महेन्द्रनगरमा पनि सञ्चालनमा आएको छ ।
भीमदत्तनगरपालिका–१८ स्थित क्याम्पसरोडमा विगएजुकेशन फाउण्डेशनको शाखा सञ्चालनमा आएको हो । सो शाखा आज शनिवार रिपोर्टर्स क्लब नेपालका अध्यक्ष ऋषि धमलाले उद्घाटन गरेका हुन् ।
उद्घाटन गर्दै धमलाले यस समयमा पढाई सबै भन्दा मुख्य वस्तु भएको बताउँदै सो शाखाले यहाँका युवायुवतीलाई शिक्षा हासिल गर्न मद्दत गर्ने आफूले विश्वास लिएको बताए ।
उच्च शिक्षा हासिल गर्न सहयोग गर्नुका साथै विदेश जान चाहने युवा युवतिको लागि पनि विदैशिक भाषाहरू सिकाउने लक्ष्य लिएको फाउण्डेशनका सञ्चालक राजेन्द्र प्रसाद भट्टले बताए । विगएजुकेशन फाउण्डेशन अहिले सम्म सफलताका साथ युवा युवतीहरूलाई उच्च शिक्षा हासिल गर्नुको साथै वैदेशिक रोजगारीमा जान सहयोग गरेको फाउण्डेशनका संस्थापक सुरज के.सीले बताए ।
यहाँका स्थानीय युवा युवतिहरूलाई उच्च शिक्षा प्रदान गर्ने साथै वैदेशिक रोजगारीमा जानका साथै उच्च शिक्षा हासिल गराउने उद्देश्यले आफूहरूले यस फाउण्डेशनको स्थापना गरेको सञ्चालक सुमन भट्टले बताए ।
