लोकतान्त्रीक समाजवादी पार्टी नेपाल (लोसपा) बाट निर्वाचित एक जना वडाध्यक्ष आज (वुधवार) नेकपा एमालेमा प्रवेश गरेका छन् ।
बाराको कलैया उपमहानगरपालिका वडा नं. ९ बाट निर्वाचित वडाध्यक्ष डा.अख्तर अंसारी एमालेमा प्रवेश गरेका हुन् ।
एमाले अध्यक्ष केपी शर्मा ओली निवास बालकोटमा आयोजित एक कार्यक्रमकाबिच अंसारी एमालेमा प्रवेश गरेका हुन् । ओलिले खादा ओढाएर उनलाई पार्टी प्रवेश गराएका हुन् ।
यसअघी वडाध्यक्ष असंरी फागुन २८ गते बारामा ओलिको सहभागितामा हुने कार्यक्रममा एमाले प्रवेश गर्ने जनाईएतापनी आजै उनि पार्टी प्रवेश गरेका हुन् ।
तत्कालिन राजपा तथा हालको लोसमा रहेका अंसारीले एमाले प्रवेश गर्नुअघी आफुले लोसपाको सम्पुर्ण जिम्मेवारी परित्याग गरेको बताएका छन् । उनि कलैया उपमहानगरपालिकामा लोसपाबाट निर्वाचित एक मात्र वडाध्यक्ष हुन् ।
