नेपाली राष्ट्रिय क्रिकेट टोलीका अलराउन्डर दीपेन्द्र सिंह ऐरी आईसीसी प्लेयर अफ द मन्थ (महिनाको उत्कृष्ट खेलाडीको) मनोनयनमा परेका छन् ।
ऐरी फेब्रुअरी महिनाको उत्कृष्ट खेलाडीको मनोनयनमा परेका हुन् । उनीसँगै भारतका श्रेयस ऐर र यूएईका वृत्य अरविन्द रहेका छन् ।
दीपेन्द्रले विश्वकप छनोटमा १ सय ५९ रन र ३ विकेट लिएका थिए । त्यसअघि चार देश सम्मिलित सिरिजमा १ सय ४२ रन र आयरल्यान्डविरुद्ध एकै खेलमा ४ विकेट हात पारेका थिए ।
उनलाई आईसीसीको वेवसाइटमा गएर भोट गर्न सकिनेछ ।
भोट गर्न यहाँ क्लिक गर्नुहोस्ः
