अभिनेता पल शाह प्रकरणमा थप २ युट्युवर पक्राउ परेका छन् ।
पक्राउ पर्नेमा नेपाल मिडिया नामक युट्युव सञ्चालन गर्दै आएका काठमाडौंको नागार्जुनका हरि परियार र लमजुङ घर भई काठमाडौंको तारकेश्वर बस्ने निशान चिलवार रहेका छन् । उनीहरुलाई मंगलबार पक्राउ गरिएको नेपाल प्रहरीको साइबार ब्यूरोका प्रवक्ता नविन्द अर्यालले जानकारी दिएका छन् ।
पक्राउ परेकाहरुले अभिनेता शाहमाथि बलात्कार आरोप लगाउँदै उजुरी दिएकी गायिकाको मानमर्दन र चरित्रहत्या हुने गरी भ्रामक समाचार सम्प्रेषण गरेको प्रहरीले जनाएको छ ।
उनीहरुलाई ७ दिन म्याद थपेर अनुसन्धान सुरु गरिएको उनले बताए ।
पल शाह प्रकरणमा यसअघि पनि प्रहरीले केही युट्युवरलाई पक्राउ गरेको थियो ।
