पछिल्लो २४ घण्टामा २२४ जनामा कोरोना सङ्क्रमण पुष्टि भएको छ ।
६ हजार ९३६ जनाको पीसीआर परीक्षण गर्दा ६८ र तीन हजार १५६ जनाको एन्टिजेन परीक्षण गर्दा १५१ गरी २२४ जनामा कोरोना सङ्क्रमण पुष्टि भएको स्वास्थ्य मन्त्रालयले जनाएको छ ।
बुधबार २५१ जना सङ्क्रमणमुक्त भएका छन् । सङ्क्रमण मुक्त हुनेदर ९८.२ प्रतिशत रहेको मन्त्रालयले जनाएको छ ।
मन्त्रालयले पछिल्लो २४ घण्टामा कुनै पनि सङ्क्रमितको मृत्यु नभएको जनाएको छ । मंगलबारसम्म मुलुकमा कोरोनाबाट मृत्यु हुनेको सङ्ख्या ११ हजार ९४९ पुगेको थियो ।
हाल देशभर ५ हजार ६९२ जना सक्रिय सङ्क्रमित छन् ।
