तरकारी खेती गर्ने बारीमा रहेको टहराभित्र घाँटी रेटी हत्या एक महिलाको हत्या गरेको आरोपमा दुई जनालाई पत्ररीले पक्राउ गरेको छ ।
गत सोमवार भक्तपुरको चाँगुनारायण नगरपालिका–७ बागरे स्थित तरकारी खेती बारीमा रहेको टहराभित्र घाँटी रेटी हत्या भएको अवस्थामा भक्तपुर नागपोखरी बस्ने काभ्रेपलाञ्चोक नमोबुद्ध नगरपालिका–९ नवलडाँडाकी जेनिशा नगरकोटीको शव फेला परेका
हत्यामा संलग्न रहेको अभियोगमा बुधवार २ जनालाई पक्राउ गरिएको जिल्ला प्रहरी कार्यालय भक्तपुरले जनाएको छ । ।
पक्राउ पर्नेहरूमा भक्तपुर नगरपालिका–१० थलाछे बस्ने काभ्रेपलाञ्चोक नमोबुद्ध नगरपालिका–२ भकुण्डेवेशीका ४४ वर्षीय भन्ने कुमार लामा र भक्तपुर नगरपालिका–८ महेश्वरी बस्ने काभ्रेपलाञ्चोक भुम्लु गाउँपालिका–४ चौवासका ३८ वर्षीय नवराज रिजाल रहेका छन् ।
घटनाको अनुसन्धान गरिरहेको प्रहरीले दुबैजनाको संलग्नता रहेको भनी पक्राउ गरेको हो ।
पक्राउ परेका दुबैजना माथी भक्तपुर जिल्ला अदालतबाट कर्तब्य ज्यान मुद्दामा ७ दिन म्याद थप गरी थप अनुसन्धान भइरहेको प्रहरीले जनाएको छ ।
