विभिन्न सिद्धान्त, क्षेत्र र समुहहरु मिलेर स्थापना भएको जनता समाजवादी पार्टी (जसपा) भित्र गुटको राजनितीमा पुनः बढोत्तरी भएको छ ।
तत्कालिन फोरम नेपाल, संघीय समाजवादी पार्टी, नयाँ शक्ती पार्टी र पछी राष्ट्रय जनता पार्टी मिलेर बनेको उक्त पार्टीमा अब ४ गुट र तिनका नेता देखिएका छन् ।
यसअघी अध्यक्ष उपेन्द्र यादव, वरिष्ठ नेता अशोक राई र संघीय परिषद अध्यक्ष डा.बाबुराम भट्टराईले आ–आफ्नो गुट चलाईआएकोमा हिजो सम्पन्न केन्द्रिय समितिको बैठकपुर्व थप एक गुटको जन्म भएको समाचार प्राप्त भएको छ ।
नयाँ गुटको नेतृत्व तत्कालिन राजपाबाट आएका नेता महेन्द्र यादवले सम्हालेका छन् । पार्टीभित्र तिनवटा गुटले मात्रै मन्त्रालय, पार्टी नेतृत्व लगातको विषयमा भागवण्डा गर्नथालेपछी आफ्नो हिस्सा समेत खोज्दै महेन्द्र यादवको गुट बनेको बुझिएको छ ।
महेन्द्रपक्षिय एक नेताका अनुसार ‘हरेक भागवण्डामा तिनवटा स्टेक होल्डर मात्रै देखियो, हामी पनी राजपाबाट समाहित भएर आएकोले आफ्नो भाग खोजेका हौं ।’
ति नेताले जम्मा एक सिट भएका डा.बाबुरामले समान हिस्सा पाउने तर ७ सांसद लिएर आएका हामीले हिस्सा किन नपाउने ? भन्दै आफुहरु संगठित भएको जनाए ।
जसपाको हिजो सोमवार सम्पन्न केन्द्रिय समिति बैठकले उपेन्द्र, अशोक र बाबुराम सम्मिलित ३ सदसिय ‘हाई कमाण्ड’ गठन गरेपछी आफुहरुको अस्तित्वलाई स्विकार नगरिएको निष्कर्ष निकाल्दै महेन्द्र गुटले पार्टीभित्र आफ्नो अलग्गै गुट चलाउने निर्णमा पुगेको बुझिएको हो ।
श्रोतका अनुसार महेन्द्र गुटमा राजकिशोर यादव, शेखर सिंह यादव, रामनरेश राय यादव, मनिष सुमन, प्रमोद साह, लगायत महन्थ–राजेन्द्र गुट छोडेर जसपा रोजेका सांसद तथा नेताहरु रहेका छन् ।
केन्द्रिय कार्यकारिणिको ३३ मध्ये १० जना र संघीय संसदको १९ मध्ये ७ जना उक्त गुटमा रहेका छन् । त्यस्तै केन्द्रिय कार्यसमितिमा समेत उक्त गुटको १ सय ३० जना सदस्य रहेको उनिहरुले दावी गरेका छन् ।
नयाँ गुटले आगामी स्थानिय, प्रदेश र संघीय निर्वाचनमा उम्मेदवारहरुको भागवण्डा, पार्टी समायोजनमा हिस्सा र अन्य सबै कुरामा आफ्नो भाग खोज्ने बुझिएको छ ।
