अमेरिकी सेनाको जहाज काठमाडौं आएको छ ।
त्रिभुवन अन्तर्राष्ट्रिय विमानस्थलस्थित अध्यागमन कार्यालयका सूचना अधिकृत खेमराज उपाध्यायका अनुसार उक्त जहाज शुक्रबार त्रिभुवन अन्तर्राष्ट्रिय विमानस्थलमा अवतरण भएको छ ।
उक्त जहाजले केही कूटनीतिज्ञसहित अमेरिकी दूतावास र कूटनीतिक निकायका सामग्री ल्याएको आएको हो ।
विमानस्थलका अनुसार शुक्रबार बिहान सवा ९ बजे काठमाडौं आएको जहाज पौने १२ बजे फर्किएको छ ।
विमानस्थलमा जहाज आएलगत्तै सामाजिक सञ्जालमा फोटो र भिडियो राखेर चर्चा गर्न सुरू भएको छ । कतिपयले यसलाई एमसीसीसँग जोडेर टिकाटिप्पणी गरिरहेका छन् ।
