पछिल्लो २४ घण्टामा ४४ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार ४ हजार ४९५ जनाको पीसीआर परीक्षण गर्दा ३५ र २ हजार ९९ जनाको एन्टिजेन परीक्षण गर्दा ९ गरी ४४ जनामा सङ्क्रमण देखिएको हो ।
२४ घण्टामा ४८१ जना सङ्क्रमण मुक्त भएका छन् । हालसम्म ९८.५ प्रतिशत संक्रमित निको भइसकेका छन् ।
त्यस्तै, पछिल्लो २४ घण्टामा एक जना सङ्क्रमितको मृत्यु भएको मन्त्रालयले जनाएको छ । योसँगै सङ्क्रमणबाट मृत्यु हुनेको सङ्ख्या ११ हजार ९५१ पुगेको छ ।
हाल देशभर २ हजार ६८८ सक्रिय संक्रमित छन् ।
