नेकपा एमालेको काठमाडौंमा जारी केन्द्रिय समिति बैठकमा सातै प्रदेशका अध्यक्षहरुको रिपोर्टिंङ कार्य सम्पन्न भएको छ ।
केन्द्रीय कमिटीको तेस्रो बैठकमा प्रदेश अध्यक्षहरू तुल्सी न्यौपाने, रामअवतार यादव, केशव पाण्डे, नवराज शर्मा, राधाकृष्ण कँडेल, विनोदकुमार शाह र दामोदर भण्डारीले स्थानीय निर्वाचनमा केन्द्रित भएर रिपोर्टिंङ गरेका हुन् ।
रिपोर्टिंङका क्रममा एमाले सुदूरपश्चिम प्रदेश अध्यक्ष दामोदर भण्डारीले आउँदो वैशाख ३० गते हुने स्थानीय तह निर्वाचनमा एमालेले अरू पार्टीसंग तालमेल गर्न नहुनेमा जोड दिएका छन् ।
बैठकमा सुदूरपश्चिम प्रदेशको रिपोर्टिङ गर्दै उनले ८८ स्थानीय तह रहेको प्रदेशमा एमाले एक्लै भिडे ३८ स्थानमा जित हासिल गर्न सक्ने बताएका छन् । गठबन्धन गरे पार्टी २३ स्थानमा खुम्चनुपर्ने उनले बताएका छन् ।
अन्य प्रदेशका अध्यक्षहरुले भने पार्टीप्रति जनतामा तीब्र जनआकर्षण बढेको र आधारभूत तहदेखिनै कमिटीहरू चलायमान रहेको तथा फुटको असर अत्यन्त न्यून रहेकोले लोकप्रियताका साथ पहिलो शक्ति बन्ने रिपोर्टिंङ गरेका छन् ।
