नेपाली फिल्म ‘ए मेरो हजुर-४’ को ट्रेलर सार्वजनिक भएको छ। फिल्मको ट्रेलरमा अनमोल केसी र सुहाना थापाको प्रेम देखाइएको छ। झरना थापाले निर्देशन गरेको फिल्मको लेखन छेतेन गुरुङ र थापाले गरेका हुन्।
बुधबार काठमाडौंमा भएको कार्यक्रममा ट्रेलर सार्वजनिक गर्दै निर्माण टिमले अघिल्ला भागहरूजस्तै यस फिल्मलाई पनि दर्शकले माया गर्ने विश्वास गरेको छ।
फिल्म वैशाख १ गते प्रदर्शन हुनेछ। वैशाख १ गते नै दक्षिण भारतीय फिल्म केजिएफ(२ प्रदर्शन हुने छ।फिल्मले शो पाउने विषयमा पत्रकारले सोधेको प्रश्नमा निर्माता सुनिलकुमार थापाले नेपाली फिल्म हलवालाहरूले पहिलो दिन शो दिने विश्वास व्यक्त गरे।
