सत्तारुढ दल नेपाली कांग्रेसको केन्द्रीय समितिको बैठक जारी छ ।
बैठकमा स्थानीय तहको निर्वाचन, गठबन्धन लगायतका समसामयिक विषयमा छलफल जारी रहेको पार्टीका सचिव प्रदीप पराजुलीले जानकारी दिए ।
कांग्रेसले वैशाख ३० गतेको स्थानीय चुनाव लक्षित ‘घर–घर जाऊ, काँग्रेस जिताऔं’ अभियान चलाएको छ । घोषणापत्र तयारीका लागि महामन्त्री गगनकुमार थापालाई जिम्मेवारी दिइएको छ ।
पछिल्लो कांग्रेस बैठकमा प्रदेशको अवस्था र परिस्थितिबारे रिपोर्टिङ भएको थियो । चैत ११ गते पार्टी केन्द्रीय कार्यालय सानेपामा बसेको बैठकमा केन्द्रीय सदस्यले धारणा राखेका थिए भने प्रदेशगत रिपोर्टिङ भएको थियो ।
अघिल्लो बैठकमा बोल्न बाँकी रहेका केन्द्रीय सदस्यले आइतबार धारणा राख्नेछन् ।
