पार्टीको १४ औ जिल्ला अधिवेशनबाट निर्वाचित भएका नेपाली काँग्रेस बाराका सभापती राजेशराय यादवले पदभार ग्रहण गरेका छन् ।
सदरमुकाम कलैया स्थित काँग्रेसको विपि भवनमा आज (शुक्रवार) हिन्दु संस्कृती अनुसार पुजापाठ गर्दै यादवले पदभार ग्रहण गरेका हुन् ।
विवादै विवादमा फसेको काँग्रेस बाराको जिल्ला अधिवेशन गत फागुनको अन्यत्यमा भएको थियो । नवनिर्वाचित सभापती यादवले अर्का उम्मेदवार शम्भुबहादुर बुढाथोकीलाई ५२ मतको अन्तरले पराजित गरेका थिए ।
यथापी उपाध्यक्ष, सचिव, सहसचिव लगायतको पदमा बुढाथोकी समुहका उम्मेदवारहरुले बिजय प्राप्त गरेका थिए ।
सदस्यहरुको हिजो अबेर राती सम्पन्न मतगणनाको परिणाम घोषणा गरिपछी यादवले आज पदभार ग्रहण गरेका हुन् । सभापतीमा निर्वाचित यादव कलैया उपमहानगरपालिकाका मेयर समेत हुन् ।
