चुनावमुखी जनसभालाई सम्बोधन गर्न तथा विभिन्न नेता कार्यकर्ताहरुलाई पार्टी प्रवेश गराउन जनता समाजवादी पार्टी नेपाल (जसपा) अध्यक्ष उपेन्द्र यादव रुपन्देही पुगेका छन् ।
जसपा रुपन्देहीले जिल्लाको मर्चवार–५ मा आयोजना गरेको विशाल जनसभा एवम पार्टी प्रवेश कार्यक्रममा सहभागि हुन त्यहाँ पुगेका हुन् ।
पार्टीको पुर्वनिर्धारित कार्यक्रम अनुसार यादव त्यहाँ पुगेको जसपा रुपन्देहीका एक नेताले बताए ।
जनता मावि ओड्वलियाको प्रायंगनमा भईरहेको कार्यक्रममा हजारौंको संख्यामा जसपा समर्थिन नेता, कार्यकर्ता तथा आम जनता उपस्थित भएका छन् ।
अध्यक्ष यादवले रुपन्देही जिल्लाका विभिन्न क्षेत्र तथा पार्टीका सयौं नेता कार्यकर्ताहरुलाई पार्टी प्रवेश गराउने कार्यक्रम रहेको छ ।
