स्थानिय निकाय निर्वाचन नजिकिदैं जाँदा विभिन्न राजनितिक दलहरुले आफ्नो चुनावी सभाहरुलाई तिब्र पारेका छन् ।
जनता समाजवादी पार्टी, नेपाल (जसपा) ले समेत देशैभर कार्यक्रम गर्नेक्रममा आज (मंगलवार) गोरखामा चुनावी जनसभा गर्दैछ ।
गोरखाको हरमटारी स्थित खेल मैदानमा हुनलागेको जनसभाकामा भाग लिन जसपा अध्यक्ष उपेन्द्र यादव गोरखा पुगेका छन् ।
जनसभाको मुख्य अतिथिको रुपमा पुगेका यादवले त्यहाँ सम्बोधन गर्ने जनाईएको छ ।
जसपा संघीय परिषद अध्यक्ष डा.बाबुराम भट्टराईको गृहजिल्ला समेत रहेको गोरखामा पार्टीलाई थप मजबुती दिन आमसभा फलदायी हुने बताईएको छ ।
जसपा गोरखाले आयोजना गरेको जनसभामा पार्टीका अन्य केन्द्रिय नेताहरु समेत पुगेका छन् । कार्यक्रममा विभिन्न पार्टी परित्याग गरेर जसपा प्रवेश गरेका नेता कार्यकर्ताहरुलाई अध्यक्ष यादव एवम डा.भट्टराईले स्वागत गरिने जसपा श्रोतले जनाएको छ ।
