जनता समाजवादी पार्टी (जसपा) का केन्द्रीय नेताहरु नेकपा (माओवादी केन्द्र) मा प्रवेश गरेका छन् ।
आज नेकपा स्थापना दिवसको अवसरमा माओवादी केन्द्रको केन्द्रीय कार्यालय पेरिसडाँडा, कोटेश्वरमा आयोजित एक कार्यक्रममा उनीहरु माओवादी केन्द्रमा प्रवेश गरेका हुन् ।
माओवादी प्रवेश गर्नेहरु जसपाका केन्द्रीय सदस्य सर्लाहीका डा.अब्दुर रहिम मिक्रानी, केन्द्रीय सदस्य बागलुङका यमबहादुर घर्तीमगर र प्रदेश समिति सदस्य दिलिप थापामगर लगायत रहेका छन् ।
उनीहरुलाई नेकपा माओवादी केन्द्रका अध्यक्ष प्रचण्डलगायत पार्टीका शीर्ष नेताहरुले खादा माला लगाएर पार्टीमा स्वागत गरे ।
