बहुप्रतिक्षित मेलम्चीको पानी काठमाडौंमा वितरण गरिएको छ ।
केही वर्षअघि देखि वितरण गरिएको मेलम्चीको पानी केही महिनापछि बाढीको कारणले मुहान पुरिएको थियो । मुहान सफा गरेपछि मेलम्चीको पानी यहाँ पुनः वितरण गरिएको हो ।
पूर्वप्रधानमन्त्री कृष्णप्रसाद भट्टराईले वि.सं २०५६ सालमा देखेको सपना विभिन्न आरोह अवरोह पार गर्दै काठमाडौंका घरघरमा पानी आइपुगेको छ ।
खानेपानीमन्त्री उमाकान्त चौधरीले नयाँ वानेश्वरस्थित पानी वितरण केन्द्रबाट सो क्षेत्रमा बिहानदेखि पानी वितरण गरे ।
अनामनगर, बाँसबारी, महाराजगञ्ज, बालाजु, खुमलटार, कीर्तिपुर, थिमिको तिगेरी र कटुन्जे पानी ट्यांकीबाट पनि केही दिनमा मेलम्चीको पानीको वितरण सुरु हुनेछ । केही दिनमै दैनिक एक लाख ६० हजार धारामा मेलम्चीको १७ करोड लिटर पानी वितरण हुनेछ ।
