काठमाडौंमा मोटरसाइकल दुर्घटना हुँदा एकजनाको मृत्यु भएको छ ।
कोटेश्वर भाटभटेनी नजिकै प्रदेश ३ ०२ ००५ प ५८७७ नम्बरको मोटरसाइकल दुर्घटना हुँदा चालक काभ्रपलाञ्चोक उग्रतारा–७ बस्ने २२ वर्षिय सचिन श्रेष्ठको मृत्यु भएको हो ।
दुर्घटनामा घाइते उनको राष्ट्रिय ट्रमा सेन्टरमा उपचारको क्रममा मृत्यु भएको प्रहरीले जनाएको छ ।
गएराति करिब १० बजे बालकुमारीबाट कोटेश्वरतर्फ आउँदै गरेको मोटरसाइकल अनियन्त्रित भई सडकको नालीमा खसेको थियो ।
