अछाममा एसइई दिएर घर फर्किँदै गरेका विद्यार्थी सवार जीप दुर्घटना हुँदा १३ जना विद्यार्थी घाइते भएका छन् ।
जिल्लाको मेल्लेख गाउँपालिका–५ सरानी भन्ने ठाउँमा विद्यार्थी चढेको से१ज ९६५ नम्बरको जीप अनियन्त्रित भई दुर्घटना हुँदा १३ जना विद्यार्थी घाइते भएका हुन् ।
एसइई दिएर जिल्लाको साँफेबगरबाट ठाँटीतर्फ जाँदै गरेको जीप सडकबाट करिब ३५ मिटर तल खसेको अछाम प्रहरी प्रमुख डिएसपी रविराज थपलियाले जानकारी दिए ।
घाइते विद्यार्थीको वयालपाटा अस्पतालमा उपचार भइरहेको छ । घाइते मध्ये दुई जनाको अवस्थामा गम्भीर रहेको अस्पतालले जनाएको छ ।
जीप चालक ३५ वर्षीय मोति खड्का फरार रहेका र जीप प्रहरीले नियन्त्रणमा लिएको छ ।
