फक्ताङलुङ गाउँपालिका–६ लेलेपमा छोराले बृद्ध बुवा आमाको हत्या गरेका छन् ।
लेलेपको गोटिछाँगा भन्ने स्थानमा २५ वर्षीय छोरा आइतराज लिम्बूले अन्दाजी ७० वर्षीय बुवा बृखबहादुर लिम्बू र ७२ वर्षीया आमा फिपरानी लिम्बूको हत्या गरेका हुन् ।
जिल्ला प्रहरी कार्यालय ताप्लेजुङका प्रहरी नायव उपरीक्षक कैलाश राइले गएराति आइतराजले धारिलो हतियार प्रहार गरी घरमै बुबाआमाको हत्या गरेको जानकारी दिए । प्रहरीले आइतराजलाई नियन्त्रणमा लिइसकेको र घटनाका बारेमा अनुसन्धान सुरु भएको समेत प्रहरीले जानकारी दिएको छ ।
मादक पदार्थ सेवनका कारण घटना भएको प्रारम्भिक जानकारी आएको प्रहरीले बताएको छ । एकसाता अघिमात्रै अघि पनि पारिवारिक झगडा भएको र लेलेप प्रहरी चौकीमा मिलाएको थियो ।
