भारतीय प्रधानमन्त्री नरेन्द्र मोदी लुम्बिनी आइपुगेका छन्।
सोमबार बिहान भारतीय वायु सेनाको विशेष हेलिकप्टरमा उनी भगवान गौतम बुद्धको जन्मस्थल लुम्बिनी आएका हुन्। लुम्बिनीमा उनलाई प्रधानमन्त्री शेरबहादुर देउवाले स्वागत गरे।
भारतीय प्रधानमन्त्री मोदी आज ६ घण्टा लुम्बिनीमा बिताएर स्वदेश फर्कनेछन् ।
लुम्बिनीमा रहँदा प्रधानमन्त्री मोदीले मायादेवी मन्दिरमा पूजाअर्चना गर्ने कार्यक्रम रहेको छ। यसैगरी, विशेष कार्यक्रममा दुवै देशका प्रधानमन्त्री देउवा र मोदीले विशेष सम्बोधन गर्ने कार्यक्रम रहेको छ।
