काठमाडौं महानगरपालिकाको कोर एरियामा स्वतन्त्र उम्मेदवार सुमन सायमीको प्रभाव देखिएको छ। वडा नम्बर २५ को प्रारम्भिक मतगणनामा उनी पहिलो स्थानमा रहेका केशव स्थापितसँग प्रतिस्पर्धामा छन्।
हालसम्म ९०० भोटको गणना सकिएको छ। सबैभन्दा अगाडि रहेका स्थापितले २११ भोट ल्याउँदा सायमी दुई भोट मात्र पछाडि छन्। उनको चुनाव चिन्ह आँखीझ्यालमा २०९ भोट आएको छ।
तेस्रो स्थानमा अर्का स्वतन्त्र उम्मेदवार बालेन शाह छन् । उनको चुनाव चिन्ह लौरोलाई १४४ भोट आएको छ भने कांग्रेसको रुखले ११५ भोट पाएको छ।यसले एमाले–कांग्रेसलाई धक्का लागेको छ भने अग्रता लिइरहेका स्वतन्त्र उम्मेदवार बालेन शाहलाई फाइदा मिल्नेछ।
कोर एरियाबाट आफूले बढी र बालेनले कम मत ल्याउने तथा मतान्तर घटाउने अपेक्षा एमाले–कांग्रेसको थियो।कोर एरियाबाट पनि एमाले–कांग्रेससँग प्रतिप्रधि मत आउनु, सायमिले कोर एरियाबाट बढी मत ल्याउनुले शहरी वडाबाट बढी मत ल्याएका बालेनलाई थप फाइदा पुग्ने देखिएको छ।
