फिल्म ‘चिसो मान्छे’ को ट्रेलर रिलिज भएको छ। दीपेन्द्र के खनालको निर्देशनका बनेको फिल्ममा स्वस्तिमा खड्का, अर्पण थापा, देशभक्त खनाललगायत कलाकारको अभिनय रहेको छ।
३ मिनेट १६ सेकेन्ड लामो ट्रेलरमा वैदेशिक रोजगारीका लागि गएका नेपाली कामदारकाे मृत्यु भएपछि उनको शव नेपाल ल्याएको र शव बुझेर मृतककी श्रीमती र बुबाले काठमाडौँदेखि बाजुरासम्म लैजान गरिएको दुःखलाई देखाइएको छ।
फिल्मले लकडाउनपछिको नेपाली समाजको अँध्यारो पाटोलाई चित्रण गरेको छ। अभिनेत्री स्वस्तिमा खड्कालाई बाजुरेली गेटअपमा देख्न सकिन्छ। फिल्म आगामी असार ३ मा रिलिज हुनेछ।
