गोदावरी नगरपालिका–७ हरैयामा श्रीमान श्रीमती मृत अवस्थामा फेला परेका छन्।
मंगलबार बिहान हरैयाका ६०–६५ वर्षका हेम बहादुर ऐर आफ्नै घर नजिकै रहेको भिल्लरको रुखमा झुण्डिएको अवस्थामा फेला परेको प्रहरीले जनाएको छ।
त्यस्तै, उनको घरको सुत्ने कोठामा उनीकी श्रीमती अन्दाजी ५०–५५ वर्षीया पदमा ऐरको घाँटीमा धारिलो बस्तुले प्रहार गरी मृत अवस्थामा फेला परेकी छन्।
श्रीमान हेमले श्रीमतीको हत्या गरी आत्महत्या गरेको प्रहरीले अनुमान गरेको छ।
दुबै शवलाई पोष्टमार्टमका लागि प्रादेशिक अस्पताल धनगढी ल्याइएको छ।
घटनाबारे ईलाका प्रहरी कार्यालय मालाखेतीले अनुसन्धान गरिरहेको छ।
