एमाले निकट पत्रकार संगठन प्रेस चौतारी नेपालका केन्द्रीय नेता प्रकाश मिश्र माओवादी केन्द्रका प्रवेश गरेका छन्।
मिश्र शुक्रबार माओवादी केन्द्र प्रवेश गरेका हुन्। उनलाई माओवादी केन्द्रका अध्यक्ष प्रचण्डले आफ्नो निवास खुमलटारमा एक कार्यक्रमको आयोजना गर्दै पार्टीमा स्वागत गरे।
शुक्रबार एमाले परित्याग गर्दै माओवादी प्रवेश गरेका मिश्र एमाले निकट पत्रकार संगठन प्रेस चौतारी नेपालका केन्द्रीय निर्वाचन आयोगको उपाध्यक्ष हुन्।
स्थानीय तहको निर्वाचनमा कैलालीको घोडाघोडी नगरपालिकाको मेयरमा सिफारिस मिश्र प्रेस चौतारी कैलालीका पूर्व सचिव पनि हुन्।
