नेकपा माओवादी केन्द्रको पूर्व स्थायी कमिटी सदस्यहरुको बैठक आज बस्दैछ।
पार्टी अध्यक्ष पुष्पकमल दाहाल प्रचण्डले चुनावपछिको अवस्थाको समिक्षा र पदाधिकारी चयनको विषयमा छलफल गर्न शनिबार अपरान्ह बैठक बोलाएका छन्।
माओवादीको महासचिवमा जनार्दन शर्मा र वर्षमान पुनको दावी रहेको छ। आज बस्ने पूर्व स्थायी कमिटी सदस्यहरुको बैठकले पदाधिकारी चयनको विषयमा छलफल गर्ने र टुंगो लगाउने बताइएको छ।
त्यस्तै, स्थानीय तहको निर्वाचनको समीक्षा गर्न नेकपा एकीकृत समाजवादीको सचिवालय बैठक पनि बस्दैछ। बैठक शनिबार दिउँसो ३ बजे पार्टी कार्यालय तीनकुनेमा बस्नेछ।
नेकपा एसको सचिवालयमा अध्यक्ष माधव कुमार नेपालसहित नेताहरू झलनाथ खनाल, मुकुन्द न्यौपाने, राजेन्द्रप्रसाद पाण्डे, प्रवेश हमाल, जयन्ती राई, बेदुराम भुसाल, प्रकाश ज्वाला, गंगालाल तुलाधर, विजय पौडेल र जगन्नाथ खतिवडा छन्।
