अछाम। जिल्ला समन्वय समिति (जिसस)अछामको प्रमुखमा कांग्रेस–माओवादी गठबन्धनका तर्फबाट उम्मेदवार नेपाली कांग्रेसका ललित बहादुर विजयी विजयी भएका छन्।
साँफेबगर नगरपालिका वडा नम्बर ८ चण्डीकाका कुँवरले १२ मत ल्याई विजयी हुँदा नेकपा एमालेका उम्मेदवार मङ्गलसेन नगरपालिका वडा नम्बर ६ का दुर्गा प्रसाद भण्डारीले ६ मत प्राप्त गरे।
यसैगरी, उपप्रमुखमा नेपाली कांग्रेसका दानमति बम शाहीले १२ मत ल्याई विजयी हुँदा नेकपा एमालेका पुतलीदेवि रावलले ६ मत ल्याइन्।
सदस्यहरूमा नेपाली कांग्रेसका चक्रा कुमारी रावल, लक्ष्मी स्वर्णकार, सीता भण्डारी, द्वारिका प्रसाद उपाध्याय, नरेन्द्र बहादुर कुवर र पूर्ण बहादुर रावल तथा दलित सदस्यमा माओवादी केन्द्रका प्रभात विश्वकर्मा विजयी भएको मुख्य निर्वाचन अधिकृतको कार्यालयले जनाएको छ।
दलित सदस्यमा नेकपा एमालेका उम्मेदवारले गठबन्धनको १ मत प्राप्त गर्न सफल भए। एमालेको ६ मत भए पनि एमाले उम्मेदवार सुरत कामीले ७ मत प्राप्त गरेका छन्।
१० पालिकाका २० मत रहेको अछाममा १८ मत मात्रै खसेको थियो। २० मत मध्ये कांग्रेसका ११, एमालेका ६, माओवादी केन्द्रका २ र एकीकृत समाजवादीका १ मत रहेको थियो।
