एमाले सांसद गंगा चौधरी सतगौंवाले बलात्कारसम्बन्धी मुद्दाको हदम्याद राख्नुपर्ने बताएकी छन्।
बलात्कारसम्बन्धी मुद्दाको हदम्याद हटाउन सरकारकाले विधेयक पेस गरेका बेला सोमबार प्रतिनिधिसभामा सो विधेकयमाथिको छलफलमा बोल्दै सांसद चौधरीले हदम्याद राख्नुपर्ने बताएकी हुन्।
उनले मन मिलुन्जेल प्रेम सम्बन्ध र मन नमिलेपछि बलात्कारका मुद्दा लगाउने प्रवृति बढेको दाबी गरिन्। पूर्वसभामुख कृष्णबहादुर महरा र अभिनेता पल शाहको समेत उदाहरण दिँदै चौधरीले प्रेम सम्बन्धलाई बलात्कारको आरोप लाउने प्रवृत्तिलाई प्रश्रय दिन नहुने बताइन्।
चौधरीले भनिन्, ‘महिला हुँ भन्दैमा महिलाको भावनामात्र बुझ्ने होइन, पुरुषको भावना पनि बुझ्नुपर्छ । अस्ति भर्खरकै केस पल शाह र सुस्मिताको कुरा जबसम्म मन मिल्यो लभको संज्ञा दिने, स्वार्थ पूरा भएन भने बलात्कारको संज्ञा दिने । हामीले यहि सदनका पूर्वसभामुखको घटना पनि हेरेका थियौं, स्वार्थ मिलुन्जेल कसैलाई पत्तो थिएन, स्वार्थ नमिलेपछि बलात्कारको संज्ञा दिएर ६/६ महिना जेलमा कोचियो ।
उनले भनिन्, ‘मन मिलेसम्म ’लभ’को संज्ञा दिने, मन नमिलेपछि ’रेप’को संज्ञा दिने? सम्मानित सदनमा बसेका पूर्वसभामुखको घटना पनि हेरेका छौं। जबसम्म स्वार्थ मिल्यो उहाँबारे कसैलाई पत्तो थिएन। जब स्वार्थ मिलेन बलात्कारको संज्ञा दिएर ६ महिना जेल कोचियो। यो कुरा हामीले भुल्नु हुँदैन। हदम्यादको कुरा धेरै उठिरहेको छ। हदम्यान राखिएन भने मुद्दाको चाङ लाग्छ अनि न्याय कसरी पाउँछन्? यो कुरा हेर्न जरुरी छ। महिला भएर महिलाको विरुद्धमा बोल्यो नभन्नुस् । म सांसद हो। देशको लागि कानुन निर्माण गर्न आएका छौं।’
